“Josten duten eskuak” ikerketa-ildoaren bidez, Balenciaga Etxeak Espainian eta Frantzian zituen areto eta lantegietako langileekin lotutako ondare immateriala berreskuratu nahi da.

Pertsona horien lana identifikatu eta haren balioa azpimarratzeaz gain, proiektuaren xedea da lantegietan erabiltzen ziren lanbide-teknikak kontserbatzea, enpresaren ekarpen soziala eta ekonomikoa dimentsionatzea eta, aldi berean, couturier edo moda-kontserbatzailearen nortasunari buruzko datuak argitara ateratzea.